ШТО ПРЕДИЗВИКУВА ЗАСТОЈОТ ВО ВЕНИТЕ НА РЕКТУМОТ?
- Вродена слабост на ѕидовите на крвните садови;
- Хронична опстипација;
- Силен напон при дефекација;
- Притисок на вените во подрачјето на малата карлица предизвикани од бременост, тумори;
- Некои заболувања како цироза на црниот дроб.
ШТО ДОПРИНЕСУВА ЗА СОЗДАВАЊЕ НА ХЕМОРОИДИТЕ?
- Долготрајно седење или стоење;
- Исхрана без доволно растителни влакна;
- Прекумерна телесна тежина и дебелина.
КОИ СЕ НАЈЧЕСТИТЕ СИМПТОМИ?
- Болка, чешање, печење во подрачјето на анусот;
- Воспаление на кожата и слузницата на тоа подрачје;
- Крвавење од анусот, кое се јавува во околу 80% од случаите.
КАКО СЕ ДИЈАГНОСТИЦИРААТ ХЕМОРОИДИТЕ?
- Преглед на аналното подрачје;
- Дигитален преглед;
- Проктоскопија.
ШТО СЕ МОЖЕ ДА СЕ КРИЕ ПОД ПОИМОТ ХЕМОРОИДИ?
Низа заболувања во подрачјето на анусот и завршниот дел на дебелото црево како на пример ванатрешни и надворешни хемороиди, перианална тромбоза, фисури, рагади, абсцеси, егземи. Погрешно е при крварење да се лекуваат хемороиди, а при тоа да не се направи предходен ендоскопски преглед, бидејќи може да се превиди сериозно заболување како рак на дебелото црево.
КАКО СЕ ЛЕКУВААТ ХЕМОРОИДИ?
Честопати лекувањето опфаќа хигиено-диететски мерки, а во зависност од состојбата додадено е конзервативно лекување или хирушки процедури.
ХИГИЕНО – ДИЕТЕТСКИ МЕРКИ
Важно е со правилна исхрана да се воспостваи секојдневен ритам на дефекација. Се препорачува храна со многу зеленчук, овошје, житарици особено пченкарен леб. Таквата храна богата со многу диететски влакна но и течност, создава волуменозна столица, која поттикнува празнење на цревата. Земање на доволно течности, вода, минерална вода со магнезиум, слатко и кисело млеко, компот и сокови. Избегнувајте силно зачинета храна. Умерена телесна активност како одење, трчање, лесни вежби со добро влијание врз телесната и душевната кондиција позитивно влијаат на варењето и работата на цревата. Редовно миење на анусот после столицата со млака или со ладна вода е препорачливо. Не употребувајте сапуни што ја дразнат слузницата на анусот.
КОНЗЕРВАТИВНО ЛЕКУВАЊЕ
- Запирање на крварењето;
- Намалување на иритацијата на воспалението;
- Заштита од инфекции;
- Мерки за заздравување на раните.