АНТИНУКЛЕАРНИ АНТИТЕЛА
Антителата се протеини кои имунолошкиот систем ги создава за да се бори против одредени бактерии, вируси и други патогени микроорганизми. Тие се високo специфични и постојат различни подкласи на антитела во зависност од локацијата во телото и функцијата. Првенствено се создаваат за време на одбраната на телото против патогенот, меѓутоа, тие се произведуваат и како последица на претерана реакција на имунолошкиот систем, како што е алергиска или автоимуна реакција.
Понекогаш, имунолошкиот систем може делови од нашето тело ги идентификува како надворешни “страни напаѓачи”. При тоа се создаваат и ослободуваат специфични антитела, наречени „автоантитела“, кои ги напаѓаат клетките и ткивата на сопствениот организам, односно компонентите како нуклеусот и цитоплазмата. Па така, автоантителата може да ги оштетат зглобовите, кожата, мускулите и другите делови од телото и да предизвикаат болести на сврзното ткиво. Болестите на сврзното ткиво се група на автоимуни нарушувања кои се карактеризираат со присуство на антинуклеарни антитела (АНА) во крвта на пациентите.
Манифестацијата на овие заболувања не често има вообичаена клиничка слика и мерењето на концентрацијата на овие антинуклеарни антитела во крвта може да биде показател за автоимуни заболувања, вклучувајќи ги:
- еритематозен системски лупус
- реуматоиден артритис
- склеродерма
- Сјогрен синдром
- автоимун хепатитис
- полимиозитис/дерматомиозитис
- автоимуни системски васкулитиси
АНА се категоризирани во 2 главни групи:
- Автоантитела против единечна и двојноверижната ДНК молекула (ds DNA) и хистоните
- Автоантитела на екстрактирани нуклеарни антигени (ENA)
ЗОШТО Е ПОТРЕБЕН ОВОЈ ТЕСТ?
Вашиот лекар може да назначи испитување на АНА ако имате симптоми на автоимуна болест како што се:
- Болка во зглобовите и/или мускулите, вкочанетост или оток
- Замор
- Повторлива или постојана треска
- Црвен осип на образите и носот кој личи на пеперутка
- Слабост
- Чувствителност на светлина
- Вкочанетост и пецкање во рацете или нозете
- Губење на косата
КАКО СЕ ИНТЕРПРЕТИРААТ РЕЗУЛТАТИТЕ ОД ТЕСТОТ?
Погрижете се да ги разберете резултатите од вашиот АНА тест. Прашајте кои други тестови Ви се потребни за да се потврди вашата дијагноза и како резултатите од истите ќе влијаат на вашиот третман.
Во нашата специјалистичка биохемиска лабораторија се вршат мерења на специфични антинуклеарни антитела за дијагностика на алергиски (алерген-специфични IgE) и автоимуни испитувања (антиген-специфични IgG) со многу предности за денешните системи за тестирање.
1. Панел за автоимуни ревматолошки заболувања со квантитативно мерење на специфични автоимуни антитела.
- Ro/SS-A 52, Jo-1, Sm, CENP-B, La-SS-B, Ku, PM/Scl-100, dsDNA, Scl-70, U1-snRNP, Histone, Ribosomal Phosphoprotein P, Ro/SS-60, Mi-2.
2. Панел за автоимуни заболувања кој претставува ензимски имуноесеј за одредување на специфични автоимуни антитела IgG насочени против компоненти на клеточното јадро и цитоплазма.
- Ro/SS-A 52, CENP-B, La/SS-B, Scl-70, dsDNA, Jo-1, Ku, Sm, U1-snRNP, PM/Scl-100, MPO, PR3, AMA M2, LC 1, LKM 1, SRP 54, SP 100, gp210.
3. Панел за целијакија (IgA/IgG)
- Деаминирани глиадински IgA, IgG, ткивна трансглутаминаза, интринзичен фактор.
Панелите се користат за дијагноза на:
- Системски инфламаторни заболувања на сврзното ткиво: полимиозитис/дерматомиозитис, склеродерма, Сјогрен синдром, мешани заболувања на сврзното ткиво, систематски лупус еритематозус (SLE), CREST syndrome,
- Автоимуни систематски васкулитиси: Wegener’s granulomatosis, микроскопски полиангитис, идиопатски гломерулонефритис, Churg-Strauss syndrome, нодозен панкреатитис,
- Заболувања на црниот дроб: примарна билијарна цироза, автоимун хепатитис,
- Goodpasture syndrome
Подготвил:
Мр. Д-р Мануела Манева Ристова
спец. по мед. биохемија
